ಮೊಗಾಳ್ ಭಾವಾ-ಭಯ್ಣಿಂನೊ, ಸಮೆಸ್ತಾಂಕ್ ಪ್ರಣಾಮ್
ಸಾಂತ್ ಆಂತೊನ್ ಕೊಪೆಲ್, ಪಕಲ, ಬೆಳ್ಮಣ್ ಫಿರ್ಗಜೆಚೊ ಏಕ್ ಮುಳಾವೊ ವಾಂಟೊ. ಸಬಾರ್ ವರ್ಸಾಂ ಆದಿಂ ಮೊಗ್ರಾಂಕ್ ಆಜಾಪಿಂ ರಿತಿ ಫಾವೊ ಜಾಲ್ಲೆ ಸಾಂತ್ ಆಂತೊನಿಚ್ಯಾ ಇಮಾಜೆ ಮಾರಿಫಾತ್ ಆರಂಭ್ ಜಾಲ್ಲೆಂ ಭಕ್ತಿಪಣ್ ಆಜ್ ಜಾಯ್ತ್ಯಾ ಕ್ರಿಸ್ತಿ ಆನಿ ಆಕ್ರಿಸ್ತಿ ಭಾಂವ್ಡಾಂಕ್ ಆತ್ಮಿಕ್ ಬರೆಂಪಣ್ ಜೊಡ್ನ್ ದಿಂವ್ಚೆಂ ಪವಿತ್ರ್ ಥಳ್ ಜಾಲಾಂ. ಜಾಯ್ತಿ ಕ್ರಿಸ್ತಿ ಆನಿ ಆಕ್ರಿಸ್ತಿ ಭಾವ್-ಭಯ್ಣಿಂ ವ್ಹಡಾ ಸಂಖ್ಯಾನ್ ಹ್ಯಾ ಜಾಗ್ಯಾಕ್ ಭೆಟ್ ದೀವ್ನ್ ಸಾಂ ಆಂತೊನಿ ಮಾರಿಫಾತ್ ಜಾಯ್ತೆ ಆತ್ಮಿಕ್ ಬರೆಂಪಣ್, ಉಪ್ಕಾರ್ ಆನಿ ಭಲಾಯ್ಕಿ ಜೊಡ್ನ್ ಘೆತಾತ್. ಖಳನಾಸ್ತಾನಾ ಜಳ್ಚ್ಯೊ ವಾತಿ ಆನಿ ಕೆದ್ನಾಂಚ್ ಸುಕಾನಾತ್ಲಲೆ ತೆಲಾಚೆಂ ಆಯ್ದಾನ್ ಹ್ಯಾ ಜಾಗ್ಯಾಕ್ ಭಕ್ತಿಕಾಂನಿಂ ದಿಂವ್ಚೆಂ ಭೆಟೆಚಿ ಸಾಕ್ಸ್. 1974 ಇಸ್ವೆಂತ್ ಕೊಪೆಲ್ ಬಾಂದುನ್, ಆಜಾಪಿ ಇಮಾಜ್ ಆತಾಂ ಆಸ್ಚ್ಯಾ ಥಳಾರ್ ಸ್ಥಾಪಿತ್ ಕೆಲಿ. ಜೂನ್ 10, 2018 ಇಸ್ವೆಂತ್ ಇಟೆಲಿಚ್ಯಾ ಪದ್ವಾ ಶಹರಾ ಥಾವ್ನ್ ಸಾಂ ಆಂತೊನಿಚಿ ರೆಲಿಕ್ ಕೊಪೆಲಾಂತ್ ಪ್ರತಿಶ್ಟಾಪಿತ್ ಕೆಲ್ಯಾ. 2024 ಇಸ್ವೆಂತ್ ಹ್ಯಾ ಕೊಪೆಲಾಕ್ ಪನ್ನಾಸ್ ವರ್ಸಾಂ ಸಂಪ್ತಾತ್. ಹ್ಯಾ ಪನ್ನಾಸ್ ವರ್ಸಾಂನಿಂ ಭಕ್ತಿಕಾಂಚೊಂ ಸಂಖೊ, ಭಕ್ತಿಪಣ್ ಚಡೊನ್‍ಚ್ ಆಯ್ಲಾಂ. ಕೊಪೆಲಾಕ್, ಜಾಗೊ, ಬಾಂದಾಪ್, ಗರ್ಜೆಚ್ಯೊ ಸೌಲತ್ಯೊ, ತಗ್ಡಾ ಮಾಟೊವ್, ಇಂಟರ್‍ಲೊಕ್ ಘಾಲುಂಕ್, ಹೆರ್ ಖರ್ಚಾಕ್ ಜಾಯ್ತ್ಯಾ ದಾನಿಂನಿಂ ಆಧಾರ್ ದಿಲಾ. ಹ್ಯಾ ಪವಿತ್ರ್ ಥಳಾಕ್ ದಾನ್ ದಿಲ್ಲ್ಯಾ ದಾನಿಂಕ್, ಸೆವಾ ದಿತಲ್ಯಾಂಕ್ ಆನಿ ಭೆಟ್ ದಿತಲ್ಯಾ ಸಮೆಸ್ತಾಂಕ್ ಧಿನ್ವಾಸ್ತಾಂ. ಹರೆಕಾ ಮಂಗ್ಳಾರಾ ಹಾಂಗಾಸರ್ ಸಾಂಜೆರ್ ಚಾರ್ ವರಾರ್ ಮೀಸ್ ಆನಿ ನೊವೆನ್ ಆಸಾ. ಹರೆಕಾ ಮಹಿನ್ಯಾಚ್ಯಾ ಪಯ್ಲ್ಯಾ ಮಂಗ್ಳಾರಾ ಸಾಂಜೆರ್ ತೀನ್ ವರಾರ್ ಆರಾಧಾನ್, ಮೀಸ್ ಆನಿ ನೊವೆನ್ ಆಸಾ. ಜೂನಾಚ್ಯಾ 13 ತಾರಿಕೆರ್ ಸಾಂ ಆಂತೊನಿಚೆ ಫೆಸ್ತ್ ಆನಿ ಪೆಬ್ರೆರ್ 15 ತಾರಿಕೆರ್ ಸಾಂ ಆಂತೊನಿಚ್ಯಾ ರೆಲಿಕೆಚಿ ಮಾಹಾಪರಬ್ ಆಚರಣ್ ಕರ್ತಾಂವ್. ಸಮೆಸ್ತಾಂಕ್ ಹ್ಯಾ ಪವಿತ್ರ್ ಥಳಾಕ್ ಭೆಟ್ ದಿಂವ್ಕ್ ಆನಿ ಸಾಂ ಆಂತೊನಿಚ್ಯಾ ವಿನೊವ್ಣೆ ಮಾರಿಫಾತ್ ದೆವಾಚಿ ಭೆಸಾಂವಾಂ ಜೊಡ್ನ್ ಘೆಂವ್ಕ್ ಆಪೊವ್ಣೆ ದಿತಾಂ. ದೇವ್ ತುಮ್ಚೆರ್ ಆಶಿರ್ವಾದ್ ಘಾಲುಂ.
ಫಿರ್ಗಜ್ ಯಾಜಕ್
ಮಾ| ಬಾ| ಫ್ರೆಡ್ರಿಕ್ ಮಸ್ಕರೇನಾಸ್
