ಪಕಲ ಸಾಂ ಆಂತೊನ್ ಕೊಪೆಲಾಚಿ ಮಟ್ವಿ ಚರಿತ್ರಾ
ಜಾಗೊ
ಪಡುಬಿದ್ರಿ-ಕಾರ್ಕೊಳ್ ರಾಜ್ಯ್ ರಸ್ತ್ಯಾರ್ ಬೆಳ್ಮಣ್ ಉತ್ರೊನ್ ಮುಖಾರ್ ಸರ್ಲ್ಯಾರ್, ರಸ್ತ್ಯಾಚಾ ಧಾವ್ಯಾ ಖುಶಿಕ್ ಜಯ್ತ್ ಖಡಪ್ ಆಮ್ಕಾ ಪಳೆಂವ್ಕ್ ಮೆಳ್ತಾತ್ ಆನಿ ಉಜ್ವ್ಯಾ ಖುಶಿಕ್ ಎಕ್ ಲ್ಹಾನ್ಶೆ ಕೊಪೆಲ್ ಝಳ್ಕತಾ, ತೆ ಜಾವ್ನ್ ಆಸಾ ‘ಪಕಲ್ ಸಾಂ ಅಂತೊನಿಚೆಂ ಕೊಪೆಲ್.
ಚರಿತ್ರಾ
ಆದ್ಲ್ಯಾ ಕಾಳಾರ್ ಮೊಗ್ರಾ ಸುಕಿ ಮಾಸ್ಳಿ ಘೆವ್ನ್ ಪಾಯ್ ವಾಟೆರ್ ಚಲೊನ್, ಘರಾಂಕ್-ಘರಾಂಕ್ ವಚುನ್ ವಿಕ್ಚಿ ರಿವಾಜ್ ಆಸ್‍ಲ್ಲಿಂ. ಅಶೆಂ ಮಾಸ್ಳಿ ವಿಕುನ್ ಪಾಟಿಂ ವೆತಾನಾ, ತ್ಯಾ ಪರಿಸರಾಂತ್ಲೆ ತರಕಾರಿ, ತಾಂದುಳ್, ಲಾಕುಂಡ್, ಭಾತ್ ಇತ್ಯಾದಿ ಘೆವ್ನ್ ಪಾಟಿಂ ಆಪ್ಲ್ಯಾ ಗಾಂವಾಕ್ ವೆತಾಲಿ. ಅಶೆಂ ಪಕಲ ತೆಣೆ ಆಯಿಲ್ಲಿ ಮೊಗ್ರಾಂ ಪಕಲ್ಚ ರಾಯ್ ಡಿಸಿಲ್ವಚಾ ಪೂರ್ವಜಾಗೆರ್ ರಾಂವ್ಚಿ ರಿವಾಜ್ ಅಸ್‍ಲ್ಲಿ. ಅಶೆಂಚ್ ಘಡ್ಲೆ ಎಕ್ ದೀಸ್, ಮೊಗ್ರಾಂ ಸಕಾಳಿಂ ಉಟೊನ್ ಪರತ್ ಪಾಟಿಂ ಭಾಯ್ರ್ ಸರ್ತಾನ, ತಾಂಕಾ ಭಾಟಿ ಉಕ್ಲುಂಕ್ ಜಾಲೆಂ ನಾ. ಅಶೆಂ ತ್ಯಾ ಭಾಟಿಯೆಂತ್ ಬರ್‍ಲ್ಯಾ ವಸ್ತುಂಚೆಂ ವಜನ್ ಚಡ್ ಆಸಾ ಮ್ಹಣ್ ಸಮ್ಚೊನ್, ತಾಂತ್ಲೊ ಎಕ್ ರುಕಾ ಕುಡ್ಕೊ ಕಾಡ್ನ್ ಸಕಯ್ಲ್ ದವರ್ಲೊ, ಆನಿ ಪರತ್ ಉಕ್ಲುಂಕ್ ಪ್ರಯತ್ನ್ ಕರ್ತಾನಾ ತಿ ಭಾಟಿ ವಯ್ರ್ ಗೆಲಿ. ಅಶೆಂ ತ್ಯಾ ಘರ್ಚಾ ಯೆಜ್ಮನಾನ್ ತೊ ಕುಡ್ಕೊ ಪರಿಶೀಲನ್ ಕರ್ತಾನಾ, ತಿ ಎಕಾ ಮನ್ಶ್ಯಾಚಾ ರುಪ್ಣ್ಯಾ ಪರಿಂ ವಾ ಇಮಾಜಿ ಪರಿಂ ಝಳ್ಕಾಲಿ, ಅಶೆಂ ಪರಿಶೀಲನ್ ಕರ್ತಾನಾ ತಿ ಸಾಂ ಅಂತೋನಿಚಿ ಮ್ಹಣ್ ಕಳೊನ್ ಆಯ್ಲೆಂ. ತ್ಯಾ ಕುಟ್ಮಾಂಚಾನಿ ಅಪ್ಲ್ಯಾಚ್ ಘರಾಂತ್ ಮಾನಾಚಾ ಜಾಗ್ಯಾರ್ ದವರ್ಲಿ. ಅಶೆಂ ಹ್ಯಾ ಪರಿಸರಾಂತ್ ಹ್ಯಾ ಸಾಂತಾಚಿ ಕೀರ್ತ್ ಗಾಜ್ಲಿ. ಆನಿ ಜಾಯ್ತೊ ಲೋಕ್ ಜಾತ್-ಕಾತ್ ಭೇದ್ ನಾಸ್ತಾನಾ ಆಪ್ಲ್ಯಾ ಕಷ್ಟಾಂಚ್ಯಾ ಸಂದರ್ಭಾರ್ ಹ್ಯಾ ಸಾಂತಾಕ್ ಆಂಗಯ್ತಾಲೊ, ಆನಿ ಉಪ್ಕಾರ್ ಜೊಡ್ನ್ ಘೆತಾಲೊ. ಹಾಂಗಾಸರ್ ಘಡಲ್ಲೆ ಅನ್ಯೆಕ್ ಘಡಿತ್ ಅಶೆಂ ಜಾವ್ನ್ ಆಸಾ. ಎಕ್ ದೀಸ್ ಎಕ್ ವ್ಯಕ್ತಿ ಚೊರಿಯೆಕ್ ರೂಕ್ ಕಾತರ್ನ್ ಆಪ್ಲ್ಯಾ ಬೊಯ್ಲ್ಯಾಚಾ ಗಾಡಿಯೆರ್ ದವರ್ನ್ ಇಮಾಜ್ ಆಸ್‍ಲ್ಯಾ ಘರಾ ಮುಕ್ಲ್ಯಾನ್ ಪಾಶಾರ್ ಜಾಂವ್ಕ್ ಪ್ರಯತ್ನ್ ಕೆಲೆ, ತ್ಯಾ ವೆಳಾರ್ ತಿ ಬೊಯ್ಲ್ಯಾಚಿ ಗಾಡಿ ಮುಖಾರ್ ವಚನಾ ಜಾಲಿ, ಆನಿ ಥಂಯ್ಸರ್ ರೊಂಬೊನ್ ರಾವ್ಲಿ. ತ್ಯಾ ಮನ್ಶಾನ್ ಇಮಾಜೆ ಮುಖಾರ್ ಯೇವ್ನ್ ತೇಲ್ ವೊತುನ್ ದಿವೊ ಪೆಟಯಿಲ್ಲ್ಯಾ ಉಪ್ರಾಂತ್ ಆನಿ ಮಾಫ್ ಮಾಗ್‍ಲ್ಲ್ಯಾ ಉಪ್ರಾಂತ್ ತಾಕಾ ಮುಖಾರ್ ವಚೊಂವ್ಕ್ ಸಾಧ್ಯ್ ಜಾಲೆ. ಲೋಕ್ ಆಪ್ಲ್ಯಾ ಜಾನ್ವರಾಂಕ್, ಭುರ್ಗ್ಯಾ ಬಾಳಾಕ್ ಪಿಡಾ-ಶಿಡಾ ಯೆತಾನಾ ಹ್ಯಾ ಸಾಂತಾ ಮಾರಿಫಾತ್ ಮಾಗ್‍ಲ್ಲೊ ಉಪ್ಕಾರ್ ಮೆಳ್ತಾಲೊ ಜಾಲ್ಲ್ಯಾನ್ ಲೋಕ್ ವಾತ್ ಪೆಟೊವ್ನ್, ತೇಲ್ ಘಾಲ್ನ್ ಆನಿ ಇತರ್ ವಸ್ತು ದೀವ್ನ್ ಆಪ್ಲೆ ಉಪ್ಕಾರಿ ಮನ್ ದಾಕಯ್ತಲೊ.
ಅಶೆಂ ವರ್ಸಾಂ ಪಾಶಾರ್ ಜಾತಾನಾ ಇಮಾಜ್ ದವರ್ಲಲೆಂ ಘರ್ ಪರ್ನೆ ಜಾವ್ನ್ ಆಯಿಲ್ಲೆಂ. ತ್ಯಾ ಘರ್ಚೊ ವ್ಹಡಿಲ್ ಪಿಯಾದ್ ಡಿಸಿಲ್ವ ಲಾಗಿ ಪರಿಸರಾಂತ್ಲ್ಯಾ ಮಾಲ್ಗಡ್ಯಾನಿ ಚರ್ಚಾ ಚಲೊವ್ನ್ ಹಿ ಇಮಾಜ್ ಸಾರ್ವಜನಿಕ್ ರಿತಿನ್ ಪ್ರತಿಷ್ಠಾಪನ್ ಕರುಂಕ್ ಪರ್ವಣ್ಗಿ ವಿಚಾರ್ಲಿ. ಹೆ ಕುಟಾಮ್ ಸಂತೊಸಾನ್ ಒಪ್ಲೆಂ, ತಾಂಕಾ ವಿಶೆಂತ್ ಪಾವ್ಲ್ ಸಭೆಂತ್ ಪೆÇಸ್ಕೆ ಜಾವ್ನ್ ಘೆವ್ನ್, ತಾಂಕಾ ಜಾಯಿ ಜಾಲ್ಲೊ ಆಧಾರ್ ದಿಲೊ. ಹಿ ಇಮಾಜ್ ಸಾರ್ವಜನಿಕ್ ಜಾಗ್ಯಾರ್ ಪ್ರತಿಷ್ಠಾಪನ್ ಕರುಂಕ್ ಎಕ್ ಸ್ಥಾಪಕ್ ಸಮಿತಿಚೆ ರಚನ್ ಕೆಲೆ. ಜೋನ್ ಮಥಾಯಸ್, ರೆಮಿಡಿಯಾ ಡಿಸೋಜಾ, ಅಲ್ಪೋನ್ಸಸ್ ಅಗೇರಾ, ದೆ. ಮಥಾಯಸ್ ಡಿಸಿಲ್ವ, ದೆ. ತೋಮಸ್ ಮಿನೇಜಸ್, ದೆ. ಬಾಜಿಲ್ ನೊರೋನ್ಹಾ, ದೆ. ಪ್ರಾನ್ಸಿಸ್ ಡಿಸಿಲ್ವ, ದೆ. ಜೋಸೆಫ್ ಡಿಸಿಲ್ವ ಹೆ ಸಮಿತಿಚೆ ಸಾಂದೆ ಜಾವ್ನ್ ಆಸೊನ್ ಆಸ್-ಪಾಸ್ ಘರಾಂಚಿ ಭೆಟ್ ಕರ್ನ್ ತಾಣಿಂ ದಿಲ್ಲ್ಯಾ ದಾನಾನ್ ಎಕ್ ಲ್ಹಾನ್ಶೆ ಕೊಪೆಲ್ ಬಾಂದುನ್, ಬಾಪ್ ನಿಕೋಲಸ್ ಜೆ. ಪಿರೇರಾ ಹಾಣಿಂ 13/07/1974 ವೆರ್ ಹಾಚೆ ಅಶೀರ್ವಚನ್ ಕರ್ನ್ ತಿ ಇಮಾಜ್ ಹ್ಯಾ ಕೊಪೆಲಾಂತ್ ದವರ್ಲಿ. ಸಾಂ ಆಂತೊನಿಕ್ ಭಕ್ತಿಪಣ್ ವಾಡ್ಲೆಂ ಆನಿ ಜಾಯ್ತೊ ಲೋಕ್ ಹ್ಯಾ ಕೊಪೆಲಾಕ್ ಭೆಟ್ ದೀವ್ನ್ ಮಾಗೊನ್, ಉಪ್ಕಾರ್ ಜೋಡ್ನ್ ಘೆತಾ. ಹ್ಯಾ ಪರಿಸರಾಂತ್ ಅಕ್ರಿಸ್ತಾಂವ್ ಭಾವ್ ಲೆಗುನ್ ಅಪ್ಲ್ಯಾ ಘರಾ ಖಂಚೆಯಿ ಕಾಮ್ ವಾ ಕಾರ್ಯೆ ಆರಂಭ್ ಕರ್ಚಾ ಪಯ್ಲೆ ಕೊಪೆಲಾಕ್ ಭೆಟ್ ಕರ್ನ್ ತೇಲ್ ವೊಂತುನ್ ವಾತಿ ಪೆಟಂವ್ಕ್ ಮಾಗೊನ್ ಆರಂಭ್ ಕರ್ತಾತ್. ಎಕ್ ಅಕ್ರಿಸ್ತಾಂವ್ ಆಪ್ಲ್ಯಾ ಆಂಗ್ಡಿಂತ್ ವ್ಯವಹಾರ್ ಚಲೊಂವ್ಚ್ಯಾ ಪಯ್ಲೆಂ ಕೊಪೆಲಾಕ್ ಭೆಟ್ ಕರ್ನ್ ವಾತಿ ಪೆಟಯಿಲ್ಯಾ ಉಪ್ರಾಂತ್ ಆರಂಭ್ ಕರ್ತಾ. ಹರ್ಯೆಕಾ ದಿಸಾ ಸಕಾಳಿಂ ಥಾವ್ನ್ ಸಾಂಜೆರ್ ಮ್ಹಣಾಸರ್ ಹಾಂಗಾಸರ್ ವಾತಿ ಪೆಟೊನ್ ಆಸ್ಚೆ ಆಮಿ ಪಳೆಯ್ತಾಂವ್. ಅಶೆಂ ಪಕಲ್‍ಚೊ ಸಾಂ ಅಂತೋನ್ ‘ಪಕಲ ದೇವೆರ್’ಮ್ಹಣ್ ಹ್ಯಾ ಪರಿಸರಾಂತ್ ನಾಂವಾಡ್ದಿಕ್ ಜಾಲಾ. ಹ್ಯಾ ವಾಟೆರ್ ಪಾಶಾರ್ ಜಾಂವ್ಚೆ ಪಯ್ಣಾರಿ ಹಾಂಗಾಸರ್ ವಾತಿ ಪೆಟೊನ್ ಆಪ್ಲೆಂ ಪಯ್ಣ್ ಮುಖಾರ್ಸಿತಾತ್.
ಜೂನಾಚಾ 10, 2018 ವೆರ್ ಇಟೆಲಿಚ್ಯಾ ಪಾದ್ವಾ ಥಾವ್ನ್ ಸಾಂತ್ ಅಂತೊನಿಚಿ ರೆಲಿಕ್ ಆಮ್ಚ್ಯಾ ಕೊಪೆಲಾಂತ್ ಪ್ರತಿಷ್ಠಾಪನ್ ಕೆಲಿ. ಜೂನಾಚಾ 13 ತಾರಿಕೆರ್ ಸಾಂ ಅಂತೊನಿಚೆ ತಾರಿಕೆಚೆ ಫೆಸ್ತ್ ಆನಿ ಫೆಬ್ರೆರ್ 15 ತಾರಿಕೆರ್ ರೆಲಿಕೆಚೆ ಫೆಸ್ತ್ ವ್ಹಡಾ ದಬಾಜಾನ್ ಆಚರಣ್ ಕರ್ತಾಂವ್. ಪುರ್ಶಾಂವ್ ಕಾಡ್ನ್ ರೆಲಿಕೆಕ್ ಮಾನ್ ಕರ್ತಾಂವ್. ಹರೆಕಾ ಮಂಗ್ಳಾರಾ ಹಾಂಗಾಸರ್ ನೊವೆನ್ ಆನಿ ಮೀಸ್ ಆಸಾ, ಮಹಿನ್ಯಾಚ್ಯಾ ಪಯ್ಲ್ಯಾ ಮಂಗ್ಳಾರಾ ಸಾಕ್ರಾಮೆಂತಾಚ್ಯೆ ಆರಾಧಾನ್, ನೊವೆನ್ ಆನಿ ಮೀಸ್ ಆಸಾ. ಜಾಯ್ತೊ ಲೋಕ್ ಯೇವ್ನ್ ಆತ್ಮೀಕ್ ಬರೆಂಪಣ್ ಆನಿ ಮಾಗ್ಲಲೆ ಉಪ್ಕಾರ್ ಜೊಡ್ತಾ.
St Antony Chapel – Location and History
Location:
If you cross Belman and proceed in Padubudri-Karkal state highway towards Karkal, you can see giant rock on your left and a small chapel on your right. That is the chapel of St Antony of Pakala.
History
Long ago, when there was no transport facility available, people were walking the destination to earn their daily bread. Fisher-women were visiting the villages to sell the fish they brought. Barter system was still prevailing at that time. Accordingly, they used to exchange fish for rice, paddy, vegetable and firewood and would return to their place by evening.
There was tradition to stay/rest at the ancestral house of Certain Raay D’Silva. Once it so happened, the fisher women were taking rest after selling their merchandise. When they were ready to leave in the evening, they could not lift the baggage full of firewood; it was too heavy. They emptied one wooden piece from their baggage. And then only they could lift the baggage. The elder of the house inspected the wooden piece and found it to be a statue of St Antony. They installed the wooden statue at their residence with due reverence. Since then, the devotion of St. Antony gained the popularity. From the time of late Francis D’Silva to the time of late Piad D’Silva, the devotion continued at their residence. By the time passed, the devotion spread amongst the non-Christians too, for they were getting the favours for their intentions. For all the favours received by Christians and non-Christians, proof speaks for itself. Another incident happened in the area. A person was transporting stolen wood on his bullock cart and passing through the chapel. At once the cart got struck and couldn’t move either forward/backward. Only after that person came down in front of the statue, poured the oil and lighted the lamp in front of the statue, the cart moved. As people were getting favours when their children and livestock were sick they used to light candle, offer oil and other articles as a mark of gratitude for the favours received.
As the years passed by, the house which the statue was kept started becoming old and outdated. The elders of the area discussed with the leader of the house Piad D’Silva and asked his permission to establish the statue in the public forum. SVP adopted the family and offered all the assistance they needed. In 1973, a committee was formed to establish the statue in the public forum. The committee members John Mathias, Remedia D’Souza, Alphonsus Agera, Late Mathias D’Silva, Late Thomas Menezes, Late Basil Noronha, Late Francis D’Silva, Late Joseph D’Silva visited neighbouring houses, collected the donation and built a small chapel. It was blessed by Fr Nicholas J. Pereira.
Non-Christians around this area visit this chapel, pour the oil, light the lamp and pray before beginning any work. A certain non-Christian businessman visits the shrine daily and lights the lamp and then only proceeds to commence the business. So in this area St Antony is famously known as ‘Pakalada Dever’ – ‘God of Pakala’. The passersby have the tradition to visit the shrine and light the lamp. On June 10, 2018 the relic of St Antony was brought from Padua, Italy and was ceremoniously brought in procession from Belman church to Pakala and installed in the chapel.
From the past many years, the titular feast of St Antony is being celebrated on June 13 and Feast of relic on February 15 respectively. On every Tuesday there is mass and Novena, on first Tuesday of every month there is adoration of the Blessed Sacrament, mass and novena. Many devotees from different places gather, pray and obtain grace from God through the intercession of St Antony.